Osmani bashkë me ambasadorë aleatë sot bën homazhe te Memoriali i ushtarëve të rënë të NATO-s
24.03.2024
Presidentja e Kosovës, Vjosa Osmani, së bashku me ambasadorë të akredituar të shteteve aleate sot do të bëjë homazhe te Memoriali i ushtarëve të rënë të NATO-s për lirinë e Kosovës.
Foto: Ilustrim
Kështu bëri të ditur zyra e presidencës përmes një komunikate.
Ky homazh bëhet në kuadër të 25-vjetorit të fillimit të intervenimit të NATO-s në Kosovë.
“Në orën 09:00, Presidentja e Republikës së Kosovës, Vjosa Osmani, së bashku me ambasadorë të akredituar të shteteve aleate do të bëj homazhe te Memoriali i ushtarëve të rënë të NATO-s për lirinë e Kosovës, në 25 vjetorin e fillimit të intervenimit të NATO-s”, thuhet në komunikatë.
