Muharremaj pret ambasadorin slloven në Suharekë, fokus te investimet dhe bashkëpunimi ekonomik

Në takim, ku ishte e pranishme edhe Shoqata e Bizneseve në Komunën e Suharekës, është diskutuar për mundësitë e bashkëpunimit, me fokus në zhvillimin ekonomik, investimet dhe krijimin e partneriteteve të reja.

Muharremaj ka theksuar se Suhareka ka një sektor privat aktiv, traditë në ndërmarrësi dhe potencial për të qenë pjesë e partneriteteve të reja ndërkombëtare.

Ai i ka uruar mirëseardhje ambasadorit Blaj dhe suksese në misionin e tij në Kosovë, duke vlerësuar vizitën si një hap drejt forcimit të bashkëpunimit dhe marrëdhënieve mes palëve. 🇽🇰🇸🇮