Limaj viziton familjen e Hashim Thaçit për Bajram: Nana Hyrë simbol i qëndresës dhe krenarisë shqiptare

Përmes një shkrimi në Facebook, Limaj tha se kjo vizitë ishte vizitë te qëndresa, krenaria dhe atdhedashuria, duke vlerësuar forcën dhe dinjitetin e familjes Thaçi në përballje me situatën aktuale.

“Në sytë e një nëne që pret djalin e saj nga Haga, shihet malli, por mbi të gjitha krenaria për rrugën dhe sakrificën e tij për Kosovën”, ka shkruar Limaj.

Ai ka shtuar se nana Hyrë përfaqëson forcën e nënave shqiptare, të cilat, sipas tij, kanë qëndruar gjithmonë me zemër të madhe dhe besim të palëkundur.Në fund, Limaj ka shprehur lutjen që festat e ardhshme të kremtohen bashkë me ish-bashkëluftëtarët që po mbahen në Hagë.