Numërimi i 37 kutive nga 87, Sanie Kuqi-Rexhepaj më e votuara nga LDK
Në qendrën e numërimit në Suharekë, pas përfundimit të 37 kutive nga gjithsej 87, që përbën rreth 42,53% të numërimit total, pa përfshirë ende votat me kusht dhe ato të diasporës, kandidatja e LDK-së, Sanie Kuqi-Rexhepaj, po del të jetë më e votuara deri më tani.
Sipas të dhënave preliminare nga ky proces, nga Lidhja Demokratike e Kosovës (LDK) në Suharekë garës për Asamble Komunale po i prin Sanie Kuqi-Rexhepaj me 241 vota, njësoj edhe Astrit Salihu i cili numëron 241 vota deri më tani, pas tyre me 217 vota renditet Bulëza Kuqi, shkruan SuharekaOnline.
Në tabelën e më poshtme SuharekaOnline ka paraqitur dhe renditur 10 kandidatet më të votuar nga ky subjekt politik:
| Subjekti Politik | Kandidati për Kuvend Komunal | Vota |
| LDK | Sanie Kuqi-Rexhepaj | 241 |
| LDK | Astrit Salihu | 241 |
| LDK | Bulëza Kuçi | 217 |
| LDK | Vlore Kryeziu | 177 |
| LDK | Albesa Gashi | 175 |
| LDK | Flamur Bytyqi | 173 |
| LDK | Kushtrim Kuçi | 134 |
| LDK | Doruntina Zenelaj | 133 |
| LDK | Gjelbrim Veselaj | 133 |
| LDK | Brahim Kukaj | 124 |
Procesi i numërimit në Suharekë po vazhdon me ritëm të rregullt në qendrën e numërimit, ku janë angazhuar dhjetë tavolina me nga katër komisionerë dhe me praninë e vëzhguesve të subjekteve politike.
Rezultatet e deritanishme janë vetëm pjesë e parë e procesit të gjatë të verifikimit dhe pritet që me përfshirjen e votave të mbetura — përfshirë ato të diasporës dhe me kusht — mund të ketë ndryshime në renditjen përfundimtare të kandidatëve.