Komandanti Kolonel Mangia viziton Komunën e Suharekës, vlerëson bashkëpunimin

09.09.2025

Kryetari i Komunës së Suharekës, Bali Muharremaj, ka pritur në një takim të rëndësishëm Komandantin Kolonel Lorenzo Mangia.

Komandanti i Komandës Rajonale Perëndimore të KFOR-it, Kolonel Lorenzo Mangia shprehu vlerësimin e tij të lartë për nivelin e shkëlqyer të bashkëpunimit që ka ekzistuar deri më tani mes dy palëve.

Në njoftimin e bërë nga Komuna, thuhet se ky bashkëpunim është shtrirë në të gjitha nivelet, duke dëshmuar një frymë pozitive dhe të qëndrueshme të ndërlidhjes.

Kryetari Muharremaj, në fjalën e tij, theksoi se Komuna e Suharekës ka qenë gjithmonë e hapur dhe ka shërbyer si një shembull i mirë i bashkëpunimit, me qëllim që të sigurohet mirëqenie për të gjithë qytetarët, pa asnjë dallim.