Zvicër: Mbi 14 mijë raste të dyshuara për punë në të zezë gjatë vitit 2025
Autoritetet zvicerane kanë zbuluar mbi 14 mijë raste të dyshuara të punës së padeklaruar gjatë kontrolleve të zhvilluara në vitin 2025.
Foto: Ilustrim
Sipas raportit të publikuar nga Sekretariati Shtetëror për Çështjet Ekonomike (SECO), gjatë vitit të kaluar janë inspektuar 14.450 kompani dhe janë kontrolluar gjithsej 44.083 punëtorë në kuadër të masave kundër punësimit ilegal.
Nga këto kontrolle, rreth 14.500 raste të dyshuara për punë “në të zezë” u janë dërguar autoriteteve kompetente për hetime të mëtejshme.
Sipas autoriteteve zvicerane, një pjesë e konsiderueshme e rasteve lidhet me shtetas të huaj që dyshohet se kanë punuar pa leje të vlefshme pune ose qëndrimi.
Kontrollet synojnë zbatimin e rregullave të tregut të punës dhe luftimin e punës së padeklaruar, e cila konsiderohet shkelje ligjore dhe dëmton konkurrencën e drejtë mes bizneseve.
