KQZ-ja sot certifikon partitë parlamentare për pjesëmarrje në zgjedhje lokale

Komisioni Qendror i Zgjedhjeve ka mbajtur mbledhjen e radhës, të kryesuar nga Kryetari i KQZ-së, Kreshnik Radoniqi.

Në këtë mbledhje, KQZ filloi procesin e certifikimit të subjekteve politike dhe kandidatëve për pjesëmarrje në Zgjedhjet Lokale, të cilat do të mbahen më 17 tetor 2021.

KQZ mori vendime të veçanta për certifikimin e 48 subjekteve politike (18 parti politike; 1 koalicion; 17 iniciativa qytetare; 12 kandidatë të pavarur) dhe 552 kandidatëve të tyre.

Numri i kandidatëve të certifikuar për pjesëmarrje në zgjedhjet për Kryetar Komune është 26, ndërsa numri i kandidatëve të certifikuar për pjesëmarrje në zgjedhjet për Kuvende Komunale është 526 kandidatë.

Ndërsa me certifikimin e subjekteve politike dhe kandidatëve për zgjedhjet e 17 tetorit, Komisioni Qendror i Zgjedhjeve (KQZ) do të vazhdojë edhe në mbledhjet e radhës.

Mbledhja e radhëz e KQZ-së, pritet që të mbahet gjatë ditës së sotme rreth orës 13:30.

Këtë e ka bërë të ditur zëdhënësi i Komisionit Qendror të Zgjedhjeve (KQZ), Valmir Elezi përmes një komunikate për media.

Në këtë komunikatë bëhet e ditur se në rend të ditës për certifikim janë edhe subjektet politike parlamentare.

Numri i kandidatëve që do të certifikohen në këto zgjedhje lokale, pritet të jetë mbi 5 mijë kandidatë.