Vetëm në mars të 2021’s, mbi 4,600 punëkërkues në Suharekë

Agjencia e Statistikave të Kosovës ka publikuar Buletinin tremujor për TM1 të vitit 2021, ku ndër tjerash bëhet i ditur numri i punëkërkuesve nëpër komunat e Kosovës.

ASK-ja ka njoftuar se informacionet statistikore, që janë paraqitur në Buletinin tremujor (TM1 2021), janë përgatitur në bazë të eksperiencës, bashkëpunimit me shfrytëzuesit dhe gatishmërisë së departamenteve të ASK-së, për t’iu përgjigjur në kohë dhe me cilësi kërkesave të përdoruesve.

Bazuar në të dhënat e Agjencionit të Statistikave së Kosovës në Komunën e Suharekës gjatë tremujorit të parë të vitit 2021 (janar, shkurt dhe mars) numri i personave që kanë kërkuar punë ka qenë mbi 4 mijë, shkruan SuharekaOnline.

Ndërsa, lidhur me numrin e punëkërkuesve në Komunën e Suharekës, SuharekaOnline ka siguruar të dhëna për periudhën e njëjtë kohore të vitit 2020 ku kishin qenë rreth 4.738 punëkërkues, numër ky më i madh se ky që është regjistruar në këtë vit.