Suharekasit renditen në vendin e 10 për numrin më të madh të martesave
Në traditën popullore shqiptare martesa është një zakon gëzimi, ku çifti arrin pjekurinë për jetë, punë dhe trashëgim. Kalimi në fazën e pjekurisë për martesë apo ndryshe i quajtur iniciacioni i paraprinë fejesa si akt ceremonial, dhe që përcaktonte publikisht personat që do do kalonjnë në procesin e martesës – fillimin e jetës bashkëshortore. Në […]
Në traditën popullore shqiptare martesa është një zakon gëzimi, ku çifti arrin pjekurinë për jetë, punë dhe trashëgim.
Kalimi në fazën e pjekurisë për martesë apo ndryshe i quajtur iniciacioni i paraprinë fejesa si akt ceremonial, dhe që përcaktonte publikisht personat që do do kalonjnë në procesin e martesës – fillimin e jetës bashkëshortore.
Në Kosovë si në të gjithë botën, shumë çfite dashurinë e tyre e kurorëzojnë me martesë për të vazhduar pjesën tjetër të jetës së bashku, e për këto në vendin tonë Agjencia e Statistikave të Kosovës vazhdimisht grumbullon të dhëna për numrin e sakt ndër tjerash edhe të kurorëzimeve, të cilat i përcjellë SuharekaOnline.
Në bazë të një analize që ka bërë SuharekaOnline në të dhënat e ASK-së, figuron se gjatë vitit 2022 në Komunën e Suharekës janë regjistruar 728 kurorëzime.
Duke analizuar edhe më thellë këto statistika, figuron se në muajin gusht të vitit të kaluar janë kurorëzuar 109 çifte në Komunën e Suharekës, numër ky rekord brenda vitit 2022.
Muaji/Viti | Numri i Kurorëzimeve në Komunën e Suharekës |
Janar/2022 | 86 |
Shkurt/2022 | 76 |
Mars/2022 | 47 |
Prill/2022 | 73 |
Maj/2022 | 44 |
Qershor/2022 | 40 |
Korrik/2022 | 46 |
Gusht/2022 | 109 |
Shtator/2022 | 31 |
Tetor/2022 | 61 |
Nëntor/2022 | 33 |
Dhjetor/2022 | 82 |
TOTALI: | 728 |
Pas një analize në të dhënat e Agjencisë së Statistikave të Kosovës rezulton se me këtë numër të kurorëzimeve, Komuna e Suharekës nga 38 komuna, është renditur e 10-ta sa i përketë numrit më të madh të kurorëzimeve gjatë vitit 2022.
Ndërsa, me 1.718 kurorëzime Komuna e Prishtinës renditet e para, duke u pasuar nga ajo e Prizrenit në të cilën brenda një viti janë regjistruar 1.537 kurorëzime, me 1.133 kurorëzime Komuna e Ferizajit renditet e treta në Kosovë, e jo shumë largë tyre, në vendin e katër për numrin më të madh të kurorëzimeve renditet Komuna e Podujevës, ku për një vit u regjistruan 1.018 kurorëzime.
Komuna | Numri i kurorëzimeve gjatë vitit 2022 |
Prishtinë | 1.718 |
Prizren | 1.537 |
Ferizaj | 1.133 |
Podujevë | 1.018 |
Gjilan | 988 |
Gjakovë | 955 |
Pejë | 903 |
Malishevë | 825 |
Vushtrri | 779 |
Suharekë | 728 |
Ndërsa, duke i përmbledhur të gjitha komunat e vendit rezulton se gjatë vitit 2022 në Kosovë janë regjistruar 17.863 kurorëzime.