Suharekasit preferojnë të martohen në muajin gusht!

Në traditën popullore shqiptare martesa është një zakon gëzimi, ku çifti arrin pjekurinë për jetë, punë dhe trashëgim.

Kalimi në fazën e pjekurisë për martesë apo ndryshe i quajtur iniciacioni i paraprinë fejesa si akt ceremonial, dhe që përcaktonte publikisht personat që do do kalonjnë në procesin e martesës – fillimin e jetës bashkëshortore.

Në Kosovë si në të gjithë botën, shumë çfite dashurinë e tyre e kurorëzojnë me martesë për të vazhduar pjesën tjetër të jetës së bashku, e për këto në vendin tonë Agjencia e Statistikave të Kosovës vazhdimisht grumbullon të dhëna për numrin e sakt ndër tjerash edhe të kurorëzimeve, të cilat i përcjellë SuharekaOnline.

Në bazë të një analize që ka bërë SuharekaOnline në të dhënat e ASK-së, figuron se gjatë vitit 2022 në Komunën e Suharekës janë regjistruar mbi 646 kurorëzime, pasi që statistikat për muajin dhjetor mungonin.

Duke analizuar edhe më thellë këto statistika, figuron se në muajin gusht të vitit të kaluar janë kurorëzuar 109 çifte në Komunën e Suharekës, numër ky rekord brenda vitit 2022. Pra, suharekasit me sa duket presin temperaturat e nxehta që të martohen.

Më poshtë SuharekaOnline ka punuar një tabelë e cila përmbanë statistikat e kurorëzimeve në Komunën e Suharekës.

Poashtu, në Agjencinë e Statistikave të Kosovës janë edhe statistikat e Kurorëzimeve 2021, në të cilat figuron se në vitin 2021 në Komunën e Suharekës janë regjistruar 745 kurorëzime, prej tyre 119 ishin regjistruar në muajin gusht, numër ky rekord krahasuar me muajt e tjerë.

Jo gjithmonë martesat funksionojnë, për shumë arsye të ndryshme çiftet iu japin atyre fund duke i ndarë rrugët dhe ligjërisht duke u shkurorëzuar.

Në bazë të dhënave të ASK-së, bëhet e ditur se në Komunën e Suharekës gjatë vitit 2022 (janar-nëntor) janë regjistruar 34 shkurorëzime.

Numri më i madh i rasteve të shkurorëzimeve në Komunën e Suharekës është regjistruar në muajt: janar (4), prill (4), qershor (4), gusht (4), dhe nëntor (4).

Më poshtë SuharekaOnline ka punuar tabelën numër 2, e cila përmbanë numrin e shkurorëzimeve në Komunën e Suharekës.