Shkolla në Maqitevë me emrin “Vlladimir I. Lenin”, Asamblea Komunale në Suharekë me vendim për ndryshimin e emërtimeve të vjetra

Më datën 14 tetor 2023 SuharekaOnline kishte raportuar se si prona e shkollës fillore “Besim Ndrecaj” në Maqitevë ende zyrtarisht njihet me emrin “Vlladimir I. Lenin”, dhe fatkeqësisht nuk është e vetmja.

Siç duket raportimi nuk ka hasur në vesh të shurdhër, pasiqë Asamblea Komunale në Suharekë në mbledhjen e radhës pritet që në rend dite ta ketë edhe projekt-vendimin për ndryshimin e emërtimit të shkollave sipas emrave aktual në regjistrin e pronës në librin kadastral, pasi që në certifikatën e pronësisë figurojnë me emërtime te vjetra.

Sipas projekt-vendimit për zbatimin e këtij vendimi do të kujdeset Drejtoria për shërbime pronësore juridike dhe kadastër në bashkëpunim me Drejtorinë e Arsimit të Komunës së Suharekës.

Ndryshe raportimi i SuharekaOnline bazohej në një dokument të publikuar nga Komuna e Suharekës, konkretisht nga drejtoria për Urbanizëm, Planifikim dhe Mjedis për kushte ndërtimore në Zonën Kadastrale në Mushtisht, parcela figuron si pronësi e Pronë Shoqërore Shkolla Fillore Vlladimir I. Lenin.