Rritet numri i aksidenteve në Suharekë, për një javë në polici u regjistruan 16 raste

Sigurimi Internacional

Ofertë speciale

Me ardhjen e mërgimtarëve në Kosovë, të cilët gjatë sezonit verorë kalojnë pushimet e tyre në vendlindje, njëra ndër vërshtirësitë është edhe ngarkesa e komunikacionit.

Poashtu, mosrespektimi i rregullave në komunikacion, mospërshtatja e shpejtësisë me kushtet e rrugës, përdorimi i telefonit gjatë drejtimit të automjetit, e shumë pakujdesi të tjera janë faktor që ndikojnë në aksidentet e shumta të trafikut.

Kohëve të fundit edhe në Komunën e Suharekës është rritur numri i aksidenteve në trafik të cilat përveç dëmëve materiale, kanë shkaktuar edhe lëndime trupore tek njerëzit.

Kështu ka bërë të ditur për SuharekaOnline, Komandanti i Stacionit Policor në Suharekë, kapiteni Afrim Sylaj.

Sylaj në një përgjigje për redaksinë ka thënë se javën që lam pas në Stacionin Policor në Suharekë janë regjistruar 16 aksidente në trafik, ku përveç dëmëve materiale janë lënduar dhjetra persona.

Rikujtojmë se të dielën e 6 gushtit në fshatin Savrovë të Suharekë ka ndodhur një aksident trafiku, në të cilin janë përfshirë dy vetura, ku edhe kanë mbetur të lënduar 7 persona, dy drejtuesit e automjeteve dhe pesë pasagjerë.

Poashtu, edhe kjo javë ka filluar me aksidente të trafikut, ku burime të SuharekaOnline kanë njoftuar se në rrugën që lidhë fshatrat Tërrnje-Nëpërbisht, një veturë ka humbur kontrollin dhe ka dal nga rruga, e si pasojë dy femra kanë mbetur të lënduara.