QKMF-Suharekë kërkon nga profesionistët shëndetësor dhe pacientët që të bartin maska në ambientet e mbyllura

Qendra Kryesore e Mjekësisë Familjare në Suharekë “Rexhep Kuçi” ka rekomanduar që të gjithë profesionistët shëndetësor të cilët ofrojnë shërbime të bartin maska në ambientet e mbyllura.

Ky rekomandim i cili ka hyrë në fuqi menjëherë vjen si shkak i rritjes së rasteve me COVID-19, raporton SuharekaOnline.

Gjithashtu, kërkohet që edhe pacientët që kërkojnë shërbime në Institucionet Shëndetësore të bartin maska.

Njoftimi i plotë:

REKOMANDIM

Të nderuar profesionist shëndetësor, të nderuar qytetar,

Duke pasur parasysh situatën epidemiologjike me COVID-19, sipas analizës së fundit epidemiologjike kemi rritje të rasteve COVID-19 pozitiv në Kosovë.

Andaj, për të parandaluar përhapjen e rasteve me COVID-19 në Institucionet shëndetësore, Task Team i IKSHPK rekomandon të gjithë profesionistët e institucioneve të bartin maska në ambientet e mbyllura.

Gjithashtu palët që kërkojnë shërbime në institcuinet shëndetësore duhet të bartin maska.

Ky rekomandim hyn në fuqi menjëherë.

Me respekt,

Respekt QKMF “Rexhep Kuçi”-Suharekë