Qeveria miraton rehabilitimin, zgjerimin dhe asfaltimin e rrugës Mushtisht–Shtërpcë
Qeveria në detyrë e Republikës së Kosovës ka zhvilluar sot mbledhjen e rregullt, ku është miratuar vendimi për shqyrtimin e mëtejmë të kërkesës për interes publik të pronave të paluajtshme që preken nga realizimi i projektit “Rehabilitimi, Zgjerimi dhe Asfaltimi i Rrugës Nacionale R-118, Segmenti brenda Fshatit Mushtisht, Komuna e Suharekës”.
Foto: Ilustrim
Ky vendim ka të bëjë me procesin për rehabilitimin dhe zgjerimin e rrugës R-118, e cila përshkon fshatin Mushtisht dhe lidh Komunën e Suharekës me atë të Shtërpcës.
Sipas njoftimit, miratimi i këtij hapi është pjesë e procedurave për realizimin e projektit, që përfshin identifikimin e pronave të paluajtshme që do të preken nga punimet.
Gjithashtu, në të njëjtën mbledhje Qeveria ka miratuar vendimin për shqyrtimin e mëtejmë të kërkesës për interes publik të pronave të paluajtshme, të cilat preken nga realizimi i projektit “Ndërtimi i Rrugës Korishë – Kabash – Lidhja me Rrugën Rajonale R118”.
