Për 3 muaj në Suharekë u hapën 89 biznese
Agjencia e Statistikave të Kosovës (ASK) publikon Repertorin Statistikor mbi Ndërmarrjet Ekonomike në Kosovë për tremujorin e parë (TM1) 2023. Në TM1 2023, gjithsej janë regjistruar 3 086 ndërmarrje, ku krahasuar me tremujorin paraprak (TM4 2022) ka një ngritje për 17.07% të ndërmarrjeve të regjistruara. Ndërsa krahasuar me tremujorin e njëjtë të vitit paraprak (TM1 […]
Agjencia e Statistikave të Kosovës (ASK) publikon Repertorin Statistikor mbi Ndërmarrjet Ekonomike në Kosovë për tremujorin e parë (TM1) 2023.
Në TM1 2023, gjithsej janë regjistruar 3 086 ndërmarrje, ku krahasuar me tremujorin paraprak (TM4 2022) ka një ngritje për 17.07% të ndërmarrjeve të regjistruara. Ndërsa krahasuar me tremujorin e njëjtë të vitit paraprak (TM1 2022) ka një rritje për 9.0% të ndërmarrjeve të regjistruara.
Sipas raportit të ASK-së, në tre mujorin e parë (janar, shkurt dhe mars) të vitit 2023 në Komunën e Suharekës janë regjistruar 89 ndërmarrje të reja, 38 prej tyre janë ndërmarrje të regjistruara individuale, kurse 51 të tjera janë ndërmarrje jo-individuale, raporton SuharekaOnline.
Bizneset e regjistruara në Komunën e Suharekës (TM1) | 89 |
Bizneset e regjistruara në Komunën e Suharekës- individuale (TM1) | 38 |
Bizneset e regjistruara në Komunën e Suharekës- joindividuale (TM1) | 51 |
Aktivitetet ekonomike më të preferuara gjatë këtij tremujori në Komunën e Suharekës ishin: Bujqësi, Pylltari dhe Peshkatari; Prodhim; Tregëti; Ndërtim; Transport; Informacion dhe Komunikim; Aktivitete Profesionale, Shkencore dhe Teknike; Aktivitete Profesionale e të tjera.
Lloji i biznesit i regjistruar në Komunën e Suharekës gjatë (TM1) | |
Bujqësi, pylltari dhe peshkatari | 12 |
Prodhim | 20 |
Ndërtimtari | 17 |
Tregti me shumicë dhe pakicë, riparim i mjeteve motorike, motoçikletave | 15 |
Transport dhe ruajtje | 1 |
Akomodim dhe aktivitete të shërbimeve me ushqim | 2 |
Informacion dhe komunikim | 2 |
Aktivitete financiare dhe sigurimit | 2 |
Aktivitete profesionale, shkencore dhe teknike | 8 |
Aktivitete administrative dhe mbështetëse | 5 |
Shëndetësi njerëzore dhe aktivitete të punës sociale | 1 |
Art, zbavitje dhe rekreacion | 1 |
Aktivitete të shërbimeve tjera | 3 |
TOTAL: | 89 |
Sa i përket shtrirjes gjeografike të ndërmarrjeve të regjistruara në nivel të komunave prin komuna e Prishtinës me 862 ndërmarrje të regjistruara (27.9%); Ferizaj me 267 ndërmarrje të regjistruara (8.6%); Prizreni me 261 ndërmarrje të regjistruara (8.4%); Gjilani me 172 ndërmarrje të regjistruara (5.6%); Peja me 160 ndërmarrje të regjistruara (5.2%); dhe Fushë Kosova me 124 ndërmarrje të regjistruara (4.0%). Ndërsa, komunat e tjera kanë numër më të vogël të ndërmarrjeve të regjistruara në këtë tremujor.