Pas një mosmarrëveshje i dëmtuan me gur veturën, arrestohen dy persona në Suharekë

Gjatë ditës së djeshme në Stacionin Policor në Suharekë u raportua një rast i asgjësimit apo dëmtim të pasurisë.

Sipas informacioneve që ka SuharekaOnline pas një mosmarrëveshje dy të dyshuar (meshkuj) i kanë dëmtuar automjetin një personi derisa ishte në lëvizje.

SuharekaOnline mëson se rasti ka ndodhurr në rrugën “Agron Berisha” në Suharekë rreth orës 11:00.

Policia e Kosovës ka arrestuar të dyshuarit dhe me vendim të prokurorit, pas intervistimit janë dërguar në mbajtje.