Një grua gjendet e vdekur në Suharekë, po hetohen rrethanat e vdekjes
Një grua ka ndërruar jetë në rrethana ende të paqarta në qytetin e Suharekës. Ngjarja ka ndodhur të premten në mëngjes, rreth orës 10:03, kur policia është njoftuar për një rast vdekjeje.
Sipas informacioneve të para, viktima është shtetase e Kosovës. Vdekja e saj është konstatuar nga ekipi mjekësor që ka dalë në vendin e ngjarjes.
Me vendim të prokurorit të rastit, trupi i pajetë është dërguar menjëherë në Institutin e Mjekësisë Ligjore (IML) në Prishtinë për obduksion. Ky veprim standard kryhet për të përcaktuar shkakun dhe rrethanat e sakta të vdekjes.
Në raportin 24-orësh të policisë thuhet: “Suharekë 04.07.2025 – 10:03. Viktima femër kosovare, në rrethana të panjohura ka ndërruar jetë. Ekipi mjekësor ka konstatuar vdekja e viktimës. Me vendim të prokurorit, trupi i pa jetë i viktimës është dërguar në IML për obduksion.”
Autoritetet janë duke vazhduar hetimet për të zbardhur plotësisht rrethanat e kësaj ngjarjeje.