Nëntë asambleist të Suharekës marrin nga dy rroga nga institucionet publike

Agjencia Kundër Korrupsion (AKK), ka filluar të publikojë pasurinë e zyrtarëve të lartë publikë.

Procesi për deklarimin e pasurisë së zyrtarëve publikë kishte nisur në fillim të marsit, por shkak i situatës së krijuar nga COVID-19, AKK pati shtyrë afatin e deklarimit deri më 19 qershor.

Në pajtim me Ligjin për Deklarimin, prejardhjen dhe kontrollin e pasurisë, dhe deklarimin, prejardhjen dhe kontrollin e dhuratave, Agjencia kundër Korrupsionit ka filluar publikimin e regjistrave të deklarimit të pasurisë për zyrtarët e lartë publik.

Kemi dëgjuar raste kur shumë deputetë të Kuvendi të Kosovës, nga institucionet publike marrin disa rroga, ku njëkohësisht paguhet si deputet i Kuvendit të Kosovës dhe ligjëron në universitet publik.

E njëjta është edhe te asambletë komunale por me pagë shumë më të vogël se ajo e deputetit. Në bazë të formularëve të publikuar nga AKK-ja, nëntë anëtarë të asamblesë komunale në Suharekë marrin nga dy paga nga institucionet publike, gjë që e lejojnë edhe ligjet në fuqi.