Kohë pandemie, për 6 muaj Komuna e Suharekës shpenzoi mbi 10 mijë euro për dreka zyrtare

Që nga miratimi i buxhetit të Komunës së Suharekës deri në fund të muajit Qershor 2020 janë shpenzuar 27.09 % e mjeteve të dedikuara për shpenzime kurse pritet të shpenzohen edhe 72.91% e mjeteve për projekte kapitale deri në fund të vitit fiskal.

Kështu bëhet e ditur nga Raporti Fiskal i administrimit të buxhetit të Komunës së Suharekës për periudhën Janar-Qershor 2020, të cilin e ka siguruar SuharekaOnline.

Sipas raportit për periudhën e njëjtë ka ramje të inkasimit të të hyrave vetanake si pasojë e pandemisë globale Covid-19 e cila e ka kapluar edhe vendin tonë, ku muajt prill dhe maj kishte ramje sa i përket inkasimit përkatësisht realizimit të të hyrave vetanake krahasuar me planifikimin dhe me periudhën e njëjtë të vitit të kaluar.

Edhe pse pandemia ka ndikuar në rënien e të hyrave vetanake Komuna e Suharekës për gjashtëmujorin e parë të 2020 ka shpenzuar 10.003,89 € për dreka zyrtare.