Nderim Nexhipi rikthehet te FC Ballkani si Drejtor Sportiv
Paralelizmi mes suksesit të kaluar dhe të ardhmes duket se ka gjetur shprehjen e tij: FC Ballkani ka njoftuar arritjen e marrëveshjes për rikthimin e Nderim Nexhipit në rolin e drejtorit sportiv.
Klubi nga Suhareka e bëri të ditur lajmin përmes një postimi në faqen e tyre zyrtare në Facebook, ku shprehën entuziazmin për këtë rikthim.
“Të dashur tifozë dhe gjithë ju përkrahës të FC Ballkanit, Kemi kënaqësinë që para jush ta prezantojmë njërin prej atyre që kontribuoi fort në fillimin e vazhdimin e sukseseve tona historike,” shkruan klubi.
Në njoftim theksohet se Nexhipi gjithmonë ka qenë dhe mbetet pjesë e familjes së Ballkanit, ndërsa tani rikthehet “në fole për ta rimarrë pozicionin e drejtorit sportiv në klub dhe për të shkruar etapa të reja së bashku.”
Postimi mbyllet me fjalët “Mirë se rikthehesh Nderim Nexhipi 🏆 Na priftë e mbara, kampion! 🧡🖤 #FCBallkani”, duke i uruar mirëseardhjen dhe suksese në detyrën e re.
Rikthimi i Nexhipit pritet të sjellë një energji të re dhe përvojën e tij të mëparshme në drejtimin sportiv, duke synuar vazhdimin e rrugëtimit të suksesshëm të FC Ballkanit.
Etiketat
Kryeministri Kurti pret në zyrë Amir Rrahmanin – “Kapiteni ynë, kampion i Italisë, shembull për të rinjtë”
Sport para 21 ore
Distria Krasniqi dhe Laura Fazliu priten nga ministri Çeku pas suksesit në Botërorin e Xhudos
Sport para 23 ore
