Drejtoria e Shëndetësisë hap konkurs pune për dy doktor për në QKMF-Suharekë

Drejtoria e Shëndetësisë dhe Mirëqenies Sociale në Suharekë ka hapur konkurs për plotësimin e dy vendeve të lira të punës.

Drejtoria e Shëndetësisë dhe Mirëqenies Sociale në Suharekë në bazë të nenit 8 të pika 1 dhe të LIgjit të punës, të udhëzimit administrativ (MPMS) nr.07/2017 për rregullimin e procedruave të konkursit në sektorin publik nr-03/L-212 dhe sipas autorizimit të Kryetarit të Komunës së Suharekës, Bali Muharremaj, 01-Nr-016-45477 datë 20.07.2023, hapet konkursi për dy doktor të mjekësisë në Qendrën Kryesore të Mjekësisë Familjare “Rexhep Kuçi” në Suharekë, raporton SuharekaOnline.

Në njoftim bëhet e ditur se për këtë pozitë orari i punës është i plotë, koeficienti i pagës 7.4 dhe kohëzgjatja e kontratës vlenë 6 muaj punë provuese me mundësi vazhdimi.

Poashtu, në njoftim janë përshkruar punët dhe detyrat për këtë pozitë të cilat janë:

• Kujdeset për shëndetin e pacienteve, përshkruan tretmanet, medikamentet dhe aplikon masat tjera shëruese
• Udhëzon pacientët në bërjen e analizave bazike laboratorike dhe aplikon procedurat tjera diagnostike
• Aranzhon bartjen e pacienteve në spital
• Udhëzon pacientët tek specialistët mjekësor dhe shkëmben të dhënat relevante mjekësore
• Pranon implementimin e programeve shëndetësore të dizajnuara në nivele më të larta si MSH dhe Komuna
• Ndihmon në preventimin e sëmundjeve ngjitëse dhe çrregullimeve të ndryshme duke u këshilluar në shëndetin bazik të përgjithshëm
• Si dhe kryen detyrat tjera sipas urdhërit të eprorit

Tutje, në njoftim thuhet se për aplikim nevojiten këto dokumentacione:

1. Diplomën përkatëse mbi shkollimin e kryer – Fakulteti i Mjekësisë së Përgjithshëm
2. Vërtetimin mbi praktikën profesionale-përvojën
3. Certifikatën e lindjës
4. Kopjen e letërnjoftimit
5. Certifikatën e gjendjës shëndetësore
6. Licensa e punës
7. Certifikatën që ndaj tij/saj nuk zbatohen hetime (nga Gjykata)