COVID-19 në Suharekë, për një javë u regjistruan 50 raste pozitive dhe 2 viktima

Numri i rasteve me COVID-19 në Kosovë nga dita në ditë po shënon rritje, kjo po bëhet e ditur nga raportet ditore të Institutit Kombëtar të Shëndetësisë Publike.

Në bazë të këtyre raporteve të cilat i përcjellë SuharekaOnline, rezulton se që nga data 27 shkurt të këtij viti deri më 05 mars, në Kosovë janë konfirmuar 3,557 raste pozitive me COVID-19.

Ndërsa, në po të njejtën periudhë kohore në Komunën e Suharekës janë identifikuar 50 raste pozitive me COVID-19, poashtu fatkeqësisht janë regjistruar 2 viktima të moshave të ndryshme, shkruan SuharekaOnline.

Gjatë këtyre shtatë ditëve të infektuarit me COVID-19 në Komunën e Suharekës kryesisht kanë qenë nga fshati Peqan, Mushtisht, Bukosh, Bllacë, Sallagrazhdë, Semetisht, Samadrexhë dhe disa fshatra të tjerë.

Ministria e Shëndetësisë gjatë ditës së premte ka bërë kategorizimin e ri të komunave, duke u bazuar në rezultatet e IKSHPK-së, përkatësisht numrin e rasteve të reja të COVID-19 në 100.000 banorë në intervalin kohor prej shtatë ditësh.

Rritja e rasteve pozitive me COVID-19 përgjatë këtyre ditëve ka bërë që Komuna e Suharekës e cila në dy javët paraprake ka qenë në zonën e gjelbër të rikthehet në zonën e verdhë, zonë kjo që konsiderohet me rrezikshmëri të mesme të përhapjës së infeksionit.

Në tabelën e mëposhtme është paraqitur numri i rasteve pozitive dhe i viktimave nga COVID-19 në Komunën e Suharekës