Banorët e një lagje në Gelancë thojnë se po rrezikohen nga një shtyllë elektrike
Ka vite që KEDS është duke punuar në rregullimin e infrastrukturës energjetike duke ndërruar dhe përforcuar shtylla, izolatorë e pajisje përcjellëse. Por të pakënaqur me shërbimet e KEDS-it në këtë drejtim ndjehen banorët e rrugës Gashjanët nga fshati Gelancë. Një shtyllë prej druri e cila furnizon rreth 10 shtëpi me energji elektrike ka ngritur shqetësim […]
Ka vite që KEDS është duke punuar në rregullimin e infrastrukturës energjetike duke ndërruar dhe përforcuar shtylla, izolatorë e pajisje përcjellëse.
Por të pakënaqur me shërbimet e KEDS-it në këtë drejtim ndjehen banorët e rrugës Gashjanët nga fshati Gelancë.
Një shtyllë prej druri e cila furnizon rreth 10 shtëpi me energji elektrike ka ngritur shqetësim tek banorët e asaj ane.
Shtylla është nga druri dhe është dëmtuar për çka edhe rrezikon jetën e banorëve dhe frekuentuesëve të kësaj rruge, thotë njëri nga banorët në kushte anonimiteti.
Sipas tij ka dy muaj që ata kanë bërë kërkesë në KEDS për ndërrimin e kësaj shtylle mirëpo nuk kanë marr përgjigje. Të njëjtën e kanë drejtuar edhe në qendër në Prishtinë para dy jave, por ashtu si herën e parë ende nuk i’u është përgjigjur ndokush nga KEDS.
Ata kërkojnë që kjo çështje të merret më seriozisht sepse në çdo moment rrezikon të rrëzohet dhe të shkaktojë rrezik për qytetarët.
