Bajselmani: Viti shkollor filloi me sukses në të gjitha shkollat
Të hënën, shkollat e Kosovës hapën dyert për nxënësit, duke shënuar kështu fillimin e vitit shkollor.
Foto: Ilustrim
Ky moment shënon një hap të rëndësishëm për të gjithë nxënësit, mësuesit dhe prindërit, të cilët vazhdojnë rrugëtimin drejt arritjeve akademike.
Me këtë rast, drejtori i Drejtorisë Komunale të Arsimit (DKA) në Suharekë, Remzi Bajselmani, ka përçuar një mesazh urimi për të gjithë nxënësit dhe mësuesit. Ai theksoi rëndësinë e fillimit të kësaj periudhe me motivim dhe energji të reja.
“Uroj që të gjithë ta nisni këtë periudhë me energji pozitive, përkushtim dhe dëshirë për të arritur rezultate të shkëlqyera. Le të jetë një fillim i mbarë dhe i suksesshëm për të gjithë!” ka thënë Bajselmani.
Tutje drejtori Bajselmani ka njoftuar se mësimi ka filluar në të gjitha shkollat e Komunës së Suharekës
Fillimi i vitit shkollor konsiderohet një moment kyç për të gjithë nxënësit, pasi hap rrugën drejt përmbylljes së vitit shkollor me sukses.
