Përplasje në zhveshtore te Ballkani: Ismajlgeci refuzoi të luajë pjesën e dytë kundër Dukagjinit

Sipas burimeve, gjatë pushimit mes pjesëve, drejtuesit e klubit kanë hyrë në zhveshtore të irrituar, duke shkaktuar një debat të ashpër me futbollistët.

Situata ka eskaluar deri në atë pikë sa është dashur ndërhyrja e lojtarëve për të parandaluar një përplasje fizike.

Në këtë atmosferë të tensionuar, mbrojtësi Marsel Ismajlgeci, i ndjerë i fyer nga zhvillimet, ka vendosur të largohet nga zhveshtorja dhe të mos rikthehet në fushë për pjesën e dytë.

Kjo ngjarje ka shtuar edhe më shumë krizën te Ballkani, i cili tashmë duhet të reagojë në ndeshjen e kthimit që zhvillohet më 22 prill në Klinë, ku do të kërkojë përmbysjen ndaj Dukagjinit për të siguruar finalen.