Javë më parë FC Ballkani kishte udhëtuar për në Turqi, për të zhvilluar fazën përgatitore para kampionatit të Albi Mall Superligës si dhe ndeshjeve të kupës së Kosovës.

Gjatë kësaj kohe FC Ballkani ka zhvilluar gjithsej 4 ndeshje, tri miqësore dhe një për Superkupën e Kosovës, raporton SuharekaOnline.

Në të gjitha ndeshjet e zhvilluara ekipi suharekas, ka treguar forcën e tij duke fituar bindshëm ndaj kundërshtarëve me të cilët u përball në tokën turke.

FC Ballkani arriti ta rrëzonte nga froni KF Llapi duke ia rrëmbyer nga dora Superkupen e Kosovës, ishte Lumbardh Dellova, ai, i cili goditi në kohën e duhur drejt portës së kundërshtarit duke zhbllokuar lojën dhe duke e fituar bindshëm këtë ndeshje.

Ndërsa, gjatë ditës së sotme, e premte, djemt e udhëhequr nga Ilir Daja, arrijnë në Kosovë me plotë katër fitore.