Kurti për fitoren e Ballkanit: Triumf meritor, javën tjetër, le të vazhdojmë ku e si e lamë dje
Kampioni i Kosovës, Ballkani ka marrë fitoren e parë në grupet e garave evropiane, duke triumfuar me rezultat 4-3 në udhëtim te Sivasspori. Mbrëmja e enjte ishte krejtësisht e veçantë për futbollin shqiptar, e në veçanti atë të Kosovës dhe qytetin e Suharekës. Golat në këtë fitore për ekipin tonë u shënuan nga Armend Thaqi […]
Kampioni i Kosovës, Ballkani ka marrë fitoren e parë në grupet e garave evropiane, duke triumfuar me rezultat 4-3 në udhëtim te Sivasspori.
Mbrëmja e enjte ishte krejtësisht e veçantë për futbollin shqiptar, e në veçanti atë të Kosovës dhe qytetin e Suharekës.
Golat në këtë fitore për ekipin tonë u shënuan nga Armend Thaqi (20’), Arbër Potoku (31’), Meriton Korenica (66’) dhe Ermal Kraniqi (90+4).
Për fitoren e Ballkanit ka reaguar edhe kryeministri i Kosovës, Albin Kurti.
Kryeministri Kurti ka thënë se kjo fitore e Ballkanit ishte triumf meritor dhe se po shkëlqen në rrugëtimin e tij historik.
“Për një çast, minutat shtesë na i rikthyen kujtimet jo të mira të barazimit, në ndeshjen e parë në Prishtinë. Por, krejt në fund na e dhanë shijen e fitores së parë në UEFA Conference League. Triumf meritor!”, shkroi Kurti në Instagram.
“Javën tjetër, le të vazhdojmë ku e si e lamë sonte”, shkroi kryeministri Kurti.
Postimi i plotë i kryeministrit të Kosovës, Albin Kurti:
Fitore me katër gola. Tre pikët e para. Vendi i parë në Grupin G.
FC Ballkani shkëlqen në rrugëtimin e tij historik.
Për një çast, minutat shtesë na i rikthyen kujtimet jo të mira të barazimit, në ndeshjen e parë në Prishtinë. Por, krejt në fund na e dhanë shijen e fitores së parë në UEFA Conference League. Triumf meritor!
Javën tjetër, le të vazhdojmë ku e si e lamë sonte.