Kompletohen skuadrat e kualifikuara në 1/8 e finales së Kupës së Kosovës

Drita ka hasur vështirësi në përballje me skuadrën e parafundit në renditjen e Grupit A në Ligën e Parë, Drenasin, duke e eliminuar vetëm pas vazhdimeve.

Ndeshja në kohën e rregullt u mbyll 0:0, edhe pse skuadra nga Drenasi luajti me një lojtar më pak që nga minuta e 77-të.

Megjithatë, në vazhdime përcaktues ishte Hamdi Namani, i cili realizoi golin e fitores dhe të kualifikimit tutje për Dritën. E në 1/8 e finales janë kualifikuar edhe Dukagjini, që e mposhti Lirinë si mysafir, Arbëria që u tregua bindëse në duel me Vitinë dhe Ferizaj, që pas vazhdimeve fitoi bindshëm ndaj Flamurtarit.

Rezultatet komplete të 1/16 së finales në Kupën e Kosovës

E mërkurë, 01.12 2021
Ramiz Sadiku – Vushtrria 1:1, pas vazhdimeve 2:1
Feronikeli – Fushë Kosova 0:0 në vazhdime 0:0, pas penalltive 1:4
A&N – Gjilani 0:1
Drenica – Vllaznia 3:1
Besa – Prishtina 0:4
Malisheva – Istogu 1:0
Ulpiana – Vëllaznimi 3:0
Rahoveci – Ballkani 1:3
Trepça’89 – 2 Korriku 2:2, pas vazhdimeve 2:2, pas penalltive 3:4
Llapi – Kika 2:1
Prizreni – Onix 1:5

E enjte, 2 dhjetor 2021
Drita – Drenasi 0:0, pas vazhdimeve 1:0
Liria – Dukagjini 2:4
Arbëria – Vitia 4:0
KEK-u – Trepça 1:0
Flamurtari – Ferizaj 0:0, pas vazhdimeve 0:3