Gjatë fundjavës që lamë pas u zhvilluan ndeshjet e xhiros së 22-të të Superligës së Kosovës në futboll.

Drita e priti Ballkanin në stadiumin e qytetit në Gjilan, ku suharekasit shënuan fitore me rezultat minimal 0-1, ku me këtë fitore mysafirët e kanë ‘forcuar’ vendin e parë, kështu duke ikur dy pikë larg nga vendi i dytë.

Po ashtu, gjatë kësaj xhiro u zhvillua edhe ndeshje në mes të Prishtinës dhe Gjilanit, ndeshje kjo e zhvilluar në stadiumin e qytetit në Suharekë,

Pas një ndeshje dramatike me shumë shanse për të shënuar, kjo ndeshje pothuajse në minutat e fundit mori kahje ndryshe, kështu duke barazuar rezultatin Prishtina në 2-2.

Gjilanasit ishin në epërsi prej 2:0 me golat e realizuar nga Gerhard Progni e Arbër Prekazi, mirëpo prishtinasit arritën të barazojnë shifrat në fund të ndeshjes me golat e Otto John dhe Endrit Krasniqi. Pas këtij barazimi Gjilani mbetet në pozitën e dytë, me 43 pikë, dy më pak se Ballkani, derisa Prishtina renditet e gjashta me 26 pikë.

Gjithashtu, në këtë xhiro u zhvilluan edhe ndeshjet si Llapi ndaj Malishevës, ku llapjanët shënuan fitore me rezultat të thellë 3-0. Po ashtu, Ulpiana shënoi fitore ndaj Drenicës me rezultat 3-1 dhe takimi mes Feronikelit dhe Dukagjinit ishte interesant, ku Dukagjini triumfoi me rezultat 0-3.

Pas përfundimit të xhiros së 22-të, në vendin e parë vazhdon të jetë Ballkani i Ilir Dajës me 45 pikë, në vendin e dytë Gjilani i Ismet Munishit me 43 pikë, ndërsa në vendin e tretë Drita me 41 pikë.

Kurse në vendin e 4-të renditet Llapi me 39 pikë, Drenica në të 5-in me 28 pikë, ndërsa në vendin e 6-të Prishtina me 26 pikë.

Në vendin e 7-të renditet Malisheva me 23 pikë, Ulpiana në atë të 8-in me 22 pikë, në të 9-të Dukagjini me 21 pikë dhe në të fundit (10-të) Feronikeli me 11 pikë.