Fabrika e Mobileve “TE NASERI” reagon lidhur me pretendimet e punëtores se u largua nga puna për arsye të pazakonshme
Një punëtore e Fabrikës së Mobileve “TE NASERI” në një prononcim për disa media ka ngritur shqetësime lidhur me atë se ajo është larguar nga puna për faktin se ishte duke agjëruar.
Foto: Ilustrim
Redaksia ka dërguar pyetje në adresë të ndërmarrjes lidhur me pretendimet e ish-punëtores së tyre, pretendimet me të cilat ata as nuk i kanë komentuar vetëm kanë shtuar se situata të tilla të personave që mundohen të dëmtojnë imazhet e bizneseve në Kosovë nuk janë të parat dhe as të fundit, andaj duke respektuar ligjet ne kemi inicuar procedurat e nevojshme ligjore ndaj personit në fjalë.
Tutje ata kanë bërë të ditur se për arsye ende të paqarta për ne, punëtori ka ndërprerë mardhënien e punës me ndërmarrjen tonë pa ndonjë paralajmërim duke mos respektuar kontratën dhe Ligjin e Punës, si dhe njëkohësisht duke krijuar arsyetime të pabaza në media.
Gjithashtu kjo ndërmarrje ka reaguar sot edhe në faqen e tyre në Facebook.
