Regjioni i Prizrenit i fundit në list për nga numri i familjeve me asistencë sociale

Agjencia e Statistikave të Kosovës ndër tjerash ka publikuar numrin e familjeve dhe numrin e anëtarëve të familjeve që janë përfitues nga skema e ndihmës sociale gjatë muajit shtator të vitit 2022.

ASK ka publikuar numrin e këtyre familjeve dhe anëtarëve të tyre sipas regjioneve.

Në të dhënat që ka siguruar SuharekaOnline bëhet e ditur se Regjioni i Prizrenit ku hynë edhe Komuna e Suharekës është renditur i fundit në listën e cila përmbanë numrin e familjeve përfituese nga skema e ndihmës sociale.

Regjioni i Prizrenit ka 1,574 familje të cilat marrin social nga shteti i Kosovës, shifër kjo e cila ka nga muaji i parë i këtij viti ka shënuar rënie.

Në tabelën e më poshtme janë paraqitur të dhëna për numrin e familjeve përfituese nga skema e ndihmës sociale në Regjionin e Prizrenit.

Ndërsa, numër më të madh të familjeve që marrin social nga shteti ka regjioni i Mitrovicës i cili me gjithsej 6.420 familje renditet i pari në këtë listë, e pas këtij regjioni renditet ai i Prishtinës me 6.343 familje, regjioni i Pejës me 2.628 familje, regjioni i Gjakovës me 2.494, regjioni i Gjilanit me 2.368 dhe ai i Ferizajit me gjithsej 2.343 familje.

Më poshtë është punuar një tabelë e cila përmbanë shifra të familjeve që përfitojnë nga skema e ndihmës sociale dhe numrin e antarëve të tyre, poashtu renditja është bërë nga numri më i madh deri te më i vogël. (Këto shifra i përkasin vetëm muajit shtator, 2022).

Rikujtojmë se në muajin shtator të këtij viti në Komunën e Suharekës nga skema e ndihmës sociale kanë përfituar 454 familje me gjithsej 1.997 anëtar.