Prishtina i bashkohet Ballkanit në finalen e Kupës së Kosovës
Prishtina i është bashkuar Ballkanit në finalen e Kupës së Kosovës në futboll. Kjo pasi të mërkurën e ka eliminuar Dritën në gjysmëfinale.
Foto: Ilustrim
Koha e rregullut prej nëntëdhjetë minutash nuk ka prodhuar gola, por gjërat kanë ndryshuar në vazhdime.
Ka qenë fillimi i dhjetëminutëshit të dytë të shtesës, përkatësisht minuta e 111-të, kur Dabiqaj ka realizuar në portën e gabuar, duke e çuar skuadrën kryeqytetase në finale.
Kupa e Kosovës, pos Superligës, është një nga rrugët e skuadrave kosovare për në garat e kupave evropiane.
Ballkani në finalen e Kupës, Drita-Prishtina shkon në vazhdime
Ballkani është kualifikuar në finalen e madhe të Kupës së Kosovës, pasi luajti baras me Suharekën (2-2), të mërkurën në ndeshjen kthyese të gjysmëfinales dhe me rezultatin e përgjithshëm prej 3-2, skuadra e Ilir Dajës prek finalen e kësaj gare, e dyta për nga rëndësia në Kosovë.
Derbi i rivalëve të Suharekës, ka dhuruar një ndeshje interesante dhe me katër gola të shënuara.
Halili (6’) dhe Gripshi (74’), shënuan nga një gol për Ballkanin, derisa për Suharekën Susuri (82’, 90+1’), realizoi dygolësh.
Ndërkaq, gjysmëfinalja e dytë mes Dritës dhe Prishtinës, ka shkuar në vazhdime pasi që koha e rregullt u mbyll pa gola, rezultat më të cilin kishte përfunduar edhe ndeshja e parë mes këtyre dy skuadrave të mëdha në vendin tonë.
