Tentativë kontrabande në Novosellë, policia sekuestron mallra të shumta nga Evropa
Policia e Kosovës ka sekuestruar një sasi të konsiderueshme mallrash të kontrabanduara nga Evropa, pas një operacioni të zhvilluar në fshatin Novosellë. Një shtetas kosovar është ndaluar nën dyshimin për kontrabandë, pasi u kap duke transportuar mallra të ndryshme me një furgon.
Foto: Ilustrim
Gjatë operacionit, policia ka vërejtur lëvizje të dyshimta të disa personave, të cilët dyshohet se po kryenin veprime të paligjshme. Pas identifikimit të një furgoni të dyshuar me targa vendore, njësitë policore kanë reaguar menjëherë dhe kanë ndaluar automjetin.
Kontrolli i furgonit zbuloi një sasi të madhe mallrash të sjella nga Evropa, duke përfshirë:
- Dhomë gjumi
- Orendi kuzhine
- 1 televizor
- 6 telefona mobilë
- Enë kuzhine
- Pajisje të tjera shtëpiake
Policia dyshon se mallrat janë futur në Kosovë përmes rrugëve ilegale, me qëllim përfitimi personal.
Me urdhër të prokurorit kujdestar, rasti është cilësuar si “kundërvajtje doganore”. Mallrat e sekuestruara i janë dorëzuar Doganës së Kosovës për vlerësim dhe procedim të mëtejshëm. Ndërsa furgoni është sekuestruar nga Policia e Kosovës, pasi drejtuesi i tij po e drejtonte automjetin gjatë periudhës së ndalimit të patentë-shoferit.
