Rritet numri i aksidenteve në vend, Policia shqipton mijëra gjoba për shkelësit e rregullave të trafikut
Mosrespektimi i rregullave të komunikacionit mbetet një nga arsyet kryesore të aksidenteve që ndodhin çdo ditë në vendin tonë.
Foto: Ilustrim
Një nga mënyrat më të zakonshme për parandalimin e tyre është gjobitja e drejtuesve të automjeteve që shkelin rregullat e trafikut.
Sipas statistikave zyrtare të Policisë, vetëm gjatë 24-orëve të fundit janë regjistruar 46 aksidente me persona të lënduar dhe 60 aksidente me dëme materiale, duke e çuar numrin total të aksidenteve në 106 raste.
Për të siguruar zbatimin e rregullave të komunikacionit, Policia ka shqiptuar 2,210 tiketa trafiku ndaj drejtuesve të automjeteve që shkelën rregullat.
Gjatë kësaj periudhe, forcat e rendit kanë kryer edhe veprime të tjera: janë arrestuar 26 persona, 11 të tjerë janë mbajtur në mbajtje, ndërsa 1 person ndodhet në vuajtje të dënimit.
Ndërkohë, gjatë 24-orëve të fundit nuk është regjistruar asnjë rast ndalimi policor.
Policia rikujton qytetarët për rëndësinë e respektimit të rregullave të komunikacionit, duke theksuar se veprimet e tilla jo vetëm parandalojnë aksidentet, por edhe shpëtojnë jetë njerëzish.
