Raporti ditor i Policisë: 26 aksidente me të lënduar, 2573 gjoba trafiku dhe 17 arrestime
Policia e Kosovës ka publikuar raportin e rregullt ditor me të dhëna për 24 orët e fundit, ku pasqyrohen rastet e shënuara në komunikacion dhe veprimet policore në terren.
Aksidentet në trafik
Sipas raportit, gjatë kësaj periudhe nuk është regjistruar asnjë aksident trafiku me fatalitet. Megjithatë, janë evidentuar 26 aksidente me persona të lënduar, si dhe 46 aksidente të tjera me dëme materiale.
Masat në komunikacion
Policia ka vazhduar kontrollet dhe zbatimin e rregullave të qarkullimit rrugor. Vetëm brenda një dite, janë shqiptuar gjithsej 2573 gjoba trafiku, për shkelje të ndryshme të ligjit.
Arrestimet
Në fushën e rendit dhe sigurisë, Policia ka bërë të ditur se janë arrestuar 17 persona, prej të cilëve 11 janë dërguar në mbajtje me vendim të organeve kompetente.