Policia e Kosovës apelon për kujdes në trafik pas reshjeve të shiut

04.05.2024

Policia e Kosovës ka dalë me apel për të gjithë shoferët, pas reshjeve të shiut.

Policia e Kosovës apelon për kujdes në trafik pas reshjeve të shiut Foto: Ilustrim

Përmes një postimi në faqen zyrtare në rrjetin social, Facebook, Policia ka apeluar tek të gjithë pjesëmarrësit në trafik, në veçanti shoferëve të automjeteve për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve si dhe ngadalësim gjatë lëvizjes në rrugë të mbuluara me ujë.

“Bazuar në situatën e tanishme ku kemi ndryshim të kushteve atmosferike dhe reshje të shiut, Policia e Kosovës APELON tek të gjithë pjesëmarrësit në trafik, në veçanti shoferëve të automjeteve për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve si dhe ngadalësim gjatë lëvizjes në rrugë të mbuluara me ujë”, shkruhet në njoftim.