Operacion i suksesshëm i policisë në veri të Mitrovicës, konfiskohen armë dhe pajisje për kriptovaluta
Në një aksion të koordinuar, Policia e Kosovës ka sekuestruar një sasi të konsiderueshme armësh dhe pajisjesh për minierim kriptovalutash në një banesë në rrugën “Kollashini” në Mitrovicë të Veriut.
Foto: Ilustrim
Pas një informacioni të besueshëm, njësitë policore kanë kryer një bastisje në banesën e dyshuar, ku kanë gjetur dhe konfiskuar një arsenal të vogël, përfshirë një pushkë ajrore, një karikator revolvere, fishekë, një radiolidhje, një kamerë vëzhgimi dhe pajisje të ndryshme.
Sasia më e madhe e pajisjeve të sekuestruara është ajo për minierimin e kriptovalutave. Policia ka konfiskuar pesë kartela grafike, dyzet e dy miniera për prodhimin e kriptovalutave, një shtëpizë kompjuteri dhe pajisje të tjera përçellëse. Të gjitha këto pajisje do t’i dorëzohen Doganës së Kosovës për procedura të mëtejshme.
Ndonëse në vend të ngjarjes nuk është gjetur asnjë person, policia ka identifikuar një individ që është në fokusin e hetimeve.
Prokurori i Shtetit ka urdhëruar fillimin e hetimeve për veprën penale “Mbajtja në pronësi, kontroll ose posedim i pa autorizuar i armëve”.
