Goditet me thikë pas një mosmarrëveshje – policia në kërkim të të dyshuarit
Policia e Kosovës ka raportuar për një rast të rëndë të dhunës me thikë që ka ndodhur të mërkurën mbrëma në Prishtinë.
Foto: Ilustrim
Ngjarja është regjistruar në rrugën “Ismet Krasniqi”, rreth orës 20:45, ku një person ka mbetur i plagosur.
Sipas raportit zyrtar të Policisë së Kosovës, ankuesi – një burrë kosovar – ka njoftuar se është goditur me thikë nga një tjetër person, po ashtu mashkull kosovar, pas një mosmarrëveshjeje mes tyre.
Viktima është dërguar menjëherë për trajtim mjekësor, ndërsa gjendja e tij ende nuk është bërë e ditur. Ndërkohë, i dyshuari ka arritur të largohet nga vendngjarja dhe policia është në kërkim të tij, duke ndërmarrë veprime hetimore për identifikimin dhe arrestimin e personit të dyshuar.
Autoritetet vazhdojnë hetimet për zbardhjen e plotë të rastit dhe motivet që çuan në këtë akt të dhunshëm.
