Garat me vetura, policia gjobiti gjashtë shoferë me 150 euro

12.02.2024

Njësitet e policisë në kuadër të Stacionit Policor në Vushtrri, kanë identifikuar dhe proceduar me masa ndëshkimore ndaj gjashtë shoferëve për kundërvajtje në trafikun rrugor.

Garat me vetura, policia gjobiti gjashtë shoferë me 150 euro Foto: Ilustrim

Kundërvajtësit  janë hasur në dy lokacione të  ndryshme në Vushtrri,  të cilët në kundërshtim me rregullat e trafikut rrugor ishin duke bërë gara sportive me vetura duke penguar e rrezikuar edhe pjesëmarrësit tjerë në trafikun rrugor.

Kundërvajtësve u  janë shqiptuar gjobat prej 150 euro si dhe nga një pikë negative.