Arrestohet shtetasi shqiptar në Vërmicë, kapet me marihuanë

Sipas njoftimit zyrtar të Policisë, gjatë kontrollit të detajuar të automjetit, u sekuestruan dy qese të mbushura me substancë të dyshuar narkotike të llojit marihuanë. Përveç substancës narkotike, policia gjeti dhe konfiskoi një “grinder” (mulli për bluarjen e marihuanës) dhe dy pako me letra të markës OCB, të cilat zakonisht përdoren për mbështjelljen e cigareve të marihuanës.

I dyshuari, një mashkull shqiptar shtetas i Shqipërisë, u shoqërua në stacionin policor për intervistim. Pas marrjes në pyetje nga ana e hetuesve, me vendim të prokurorit kompetent, i dyshuari është liruar dhe rasti do të vazhdojë në procedurë të rregullt.