Arrestohen dy vëllezër në Suharekë, sulmuan një person pas një mosmarrëveshje

Sipas informacioneve të siguruara, incidenti ka nisur pas një mosmarrëveshjeje mes dy të dyshuarve, të cilët janë vëllezër, dhe një të dyshuari tjetër. Tensionet mes tyre kanë eskaluar shpejt, duke çuar në një sulm fizik nga dy vëllezërit ndaj personit tjetër.

Në shenjë revolte ndaj sulmit të pësuar, i dyshuari i tretë ka reaguar duke thyer parafango e automjetit në pronësi të dy vëllezërve.

Pas raportimit të ngjarjes, autoritetet policore kanë ndërhyrë menjëherë dhe kanë shoqëruar të tre të dyshuarit në stacionin policor për intervistim.

Pas marrjes në pyetje dhe konsultimit me prokurorin e rastit, është marrë vendim për arrestimin e dy të dyshuarve – vëllezërve. Ata janë dërguar në mbajtje dhe pritet që ndaj tyre të ndërmerren veprime të mëtejme ligjore.

Detajet e plota të mosmarrëveshjes dhe motivet që çuan në këtë incident të dhunshëm ende nuk dihen dhe pritet të zbardhen nga hetimet e mëtejme. Policia e Kosovës në Suharekë po vazhdon hetimet në lidhje me këtë rast.