Aksident i rëndë në Kijevë të Malishevës, lëndohen pesë persona

Në këtë aksident ishin të përfshirë dy vetura, ku për pasojë janë lënduar pesë persona.

Rastin e ka konfirmuar zëdhënësi i Policisë së Kosovës për rajonin e Gjakovës, Shermet Elezaj.

Elezaj tha se pesë persona kanë kërkuar ndihmë mjekësore dhe se ekipet relevante po merren me rastin.

“Rreth orës 18:30 kemi pranuar informatë për aksident trafiku në fshatin Kijevë-Malishevë. Menjëherë policia ju ka përgjigjur rastit dhe ka dalë në vendin e ngjarjes. Në aksident kanë qenë të përfshirë dy automjete udhëtarësh si dhe ndihmë mjekësore kanë kërkuar pesë persona. Njësia e trafikut rajonal është duke trajtuar rastin”, tha Elezaj.