Vetëm dje për tejkalim të shpejtësisë së kufizuar janë ndëshkuar mbi 400 shoferë

Policia e Kosovës është duke vazhduar shqiptimin e tiketave për drejtuesit e automjeteve që nuk po i respektojnë rregullat në komunikacion.

Përmes një njoftimi Policia ka bërë të ditur se vetëm gjatë ditës së djeshme për tejkalim të shpejtësisë së kufizuar janë ndëshkuar 403 shoferë.

Po ashtu në njoftim është theksuar se për përdorim të telefonit gjatë ngasjes janë ndëshkuar 150 shoferë.

Ndërsa sa i përket për mos vendosje të rripit të sigurisë brenda 24 orëve janë ndëshkuar 170 shoferë.

Njoftimi i plotë i Policisë së Kosovës:

Vazhdon kontrolli dhe mbikëqyrja e trafikut rrugor, me ç’rast vetëm dje, me datë 10.08.2021:

(a) Për tejkalim të shpejtësisë së kufizuar, janë ndëshkuar 403 shoferë
(b) Për mos vendosje të rripit të sigurisë, janë ndëshkuar 170 shoferë
(c) Për përdorim të telefonit mobil, gjatë ngasjes janë ndëshkuar 150 shoferë.