Vetaksident në autostradë segmenti Suharekë-Prizren, lëndohen dy persona

Mosrespektimi i rregullave të trafikut, pakujdesia, mospërshtatja e shpejtësisë me kushtet e rrugës, e shumë faktorë të tjerë, shkaktojnë aksidente në trafik, ku përveç dëmëve materiale shkaktohen edhe lëndime trupore tek njerzit.

Një vetaksident ka ndodhur sot në mengjesin e së enjtes rreth orës 09:00, në Autostradën “Ibrahim Rugova” në Sgementin Suharekë-Prizren, më saktë në fshatin Leshan.

Burime të SuharekaOnline bëjnë me dije se një veturë me targa të Serbisë është vetaksidentuar, ku si pasojë të lënduar kanë mbetur dy persona, drejtuesi i automjetit dhe një pasagjere.

Poashtu, të njëjtat burime bëjnë me dije se Urgjenca e Suharekës të aksidentuarve iu ka dhënë ndihmën e parë, e pastaj pasagjerja është dërguar në Spitalin Rajonal të Prizrenit për të marr trajtim mjekësor.

Në vendngjarje përveç Urgjencës ka dalë edhe Policia e Kosovës.