Thyhet zyra e ‘Hidroregjionit Jugor’ në Suharekë, hajnat vjedhin paratë në kasafortë

New Born Agency

Fluturime direkte nga Ljublana në Prishtinë dhe anasjelltas!

Objektet e institucioneve të ndryshme, shpesh herë janë cak i keqbërësve të cilët përmes akteve vandale shkaktojnë dëme të konsiderueshme materiale.

Kështu ka ndodhur edhe me zyrën e kompanisë rajonale të ujësjellësit ‘Hidroregjioni Jugor’ dega në Suharekë.

Sinjali mëson se roja i kompanisë ka denoncuar rastin në Polici, ku ka bërë me dije se persona të panjohur kanë depërtuar me forcë brenda objektit të kompanisë dhe kanë thyer dyert e zyrave.

Sipas tij, të dyshuarit kanë arritur që të hapin edhe kasafortën në zyrë dhe kanë vjedhur të gjitha paratë që ndodheshin në të, shuma e të cilave nuk dihet ende.

Në vendin e ngjarjes kanë dalë njësitë relevante, të cilat kanë kryer ekzaminimet që ndihmojnë në zbardhjen e rrethanave të rastit.

Me urdhër të prokurorit, rasti është cilësuar ‘Vjedhje e rëndë’, ndërsa veprimet tjera ligjore do merren varësisht nga zhvillimi i hetimeve./GazetaSinjali/