Rasti i shpërthimit në Zhur të Prizrenit, arrestohet edhe miku i të dyshuarit
Policia e Kosovës për rastin e shpërthimit në fshatin Zhur të Komunës së Prizrenit, ka arritur të arrestojë edhe mikun e të dyshuarit, Iran Badallaj. Zëdhënësi i Policisë në Prizren, Shaban Osmanollaj tha se arrestimi i tij është bërë me urdhër të Prokurorisë. “Njësia policore ka arritur të arrestojë të dyshuarin, me vendim të prokurorit. […]
Foto: Ilustrim
Policia e Kosovës për rastin e shpërthimit në fshatin Zhur të Komunës së Prizrenit, ka arritur të arrestojë edhe mikun e të dyshuarit, Iran Badallaj.
Zëdhënësi i Policisë në Prizren, Shaban Osmanollaj tha se arrestimi i tij është bërë me urdhër të Prokurorisë.
“Njësia policore ka arritur të arrestojë të dyshuarin, me vendim të prokurorit. I njëjti është dërguar në mbajtje”, janë deklaruar nga policia.
Ndërkohë për rastin është raportuar edhe në raportin policor të Kosovës.
“Fsh. Zhur, Prizren 28.01.2020 – 20:00. Lidhur me rastin, njësia policore ka arritur të arrestojë të dyshuarin mashkull kosovar, me vendim të prokurorit, i njëjti është dërguar në mbajtje”, thuhet në raportin e Policisë.
Nga shpërthimi vdiq polici Sami Thaçi dhe u lënduan katër të tjerë, në mesin e tyre edhe djali i mitur i Iranit.
