Nuk janë të rralla rastet kur personi kryen një vepër penale dhe tenton të arratiset që mos të del para drejtësisë apo mos të vuaj dënimin e caktuar.

Së fundmi një person të tillë e ka arrestuar Policia e Kosovës në Lubizhdë të Prizrenit, raporton SuharekaOnline.

Arrestimi i personit të kërkuar, mashkull kosovar raportohet se është kryer dje rreth orës 09:10, arrestim ky në bazë të urdhëresës së lëshuar nga Gjykata.

I kërkuari mashkull kosovar pas arrestimit është dërguar në vuajtje të dënimit në burgun e Dubravës.

“Fsh. Lubizhdë, Prizren 17.03.2023 –  09:10. Në bazë të urdhëresës së lëshuar nga gjykata është arrestuar një mashkull kosovar dhe i njëjti është dërguar në vuajtje dënimi në burgun e Dubravës.” thuhet në njoftimin e policisë.