Haset në para të falsifikuara në Suharekë, policia po e heton rastin

Fabrika e Mobileve "TE NASERI"

Mobilo shtëpinë deri në 10,000 € me mundësi pagese deri në 36 muaj.

Paratë, jo gjithmonë, por pothuajse në shumicën e rasteve janë të rëndësishme për njerzit, të cilët i përdorin për nevojat e tyre elementare, të nevojshme, të obligueshmeapo edhe raste të tjera.

Mirëpo, në shumë raste, njerzit e ndryshëm, me apo pa vetëdije fusin në qarkullim para të falsifikuara, shkruan SuharekaOnline.

Një rast i tillë është raportuar të premten në Stacionin Policor në Suharekë.

Policia e Kosovës në Suharekë ka njoftuar se një zyrtar i një banke ka raportuar se gjatë një kontrolli të deponimit të parave në bankomat, ka hasur në 11 kartëmonedha në vlerë prej 100 dollar, të cilat dyshohet të jenë të falsifikuara.

Kartëmonedhat e dyshuara janë sekuestruar për ekzaminime të mëtejshme. Lidhur me rastin është informuar edhe prokurori, ndërsa rasti është duke u hetuar.

“Rr. Brigada-123, Suharekë 28.07.2023 – 11:00. Ankuesi kosovar-zyrtar i bankës, ka raportuar se gjatë kontrollit të deponimit të parave në bankomat, ka hasur në njëmbëdhjetë (11) kartëmonedha në vlerë 100$ (dollarë), të cilat dyshohet të jenë të falsifikuara. Kartëmonedhat e dyshuara janë sekuestruar për ekzaminime të mëtejshme. Lidhur me rastin është informuar edhe prokurori, ndërsa rasti është duke u hetuar.” thuhet në njoftimin e policisë.