Aksident tragjik në Rrugën e Kombit, 60-vjeçari nga Kosova përplas për vdekje këmbësorin në afërsi të Kukësit

Sigurimi Internacional

Ofertë speciale

Një aksident i rëndë automobilistik është shënuar në orën 20:00 në Rrugën e Kombit në afërsi të qytetit të Kukësit.

Një automjet me targa të Kosovës, po udhëtonte në drejtim të doganës së Morinit ka përplasur këmbësorin me iniciale H.B rreth 70 vjeç.

Nga goditja e fortë i moshuari është përplasur me xhamin e parë të automjetit e për pasojë ka ndërruar jetë në vend. Forcat e policisë së bashku me ambulancën janë në vendngjarje.

Ndërsa grupi hetimor ka shoqëruar në komisariatin e Kukësit drejtuesin e automjetit dhe po vijon hetimet e shkakut të aksidentit fatal. Pas aksidenti njëra korsi e autostradës ka qëndruar e mbyllur duke shkaktuar trafik të rënduar e radhë kilometrike në “Rrugën e Kombit”.

“Kukës/informacion paraprak: Në autostradën Kukës-Morinë, në vendin e quajtur “Fushorja e Uzinë”, automjeti që drejtohej nga shtetasi S. D.  60 vjeç, banues në Kosovë, dyshohet se ka aksidentuar shtetasin H. B., rreth 74 vjeç,(këmbësor), i cili për pasojë ka humbur jetën. Drejtuesi i automjetit shtetasi S. D., është shoqëruar në Komisariat për veprime të mëtejshme hetimore. Grupi hetimor po kryen hetimet në vendngjarje”, thuhet në njoftimin e Policisë së Shqipërisë./Telegrafi/