Mosrespektimi i rregullave në komunikacion, mospërshtatja e shpejtësisë me kushtet e rrugës në shumicën e rasteve përfundon me aksident, ku përveç dëmëve materiale shkaktohen edhe lëndime në njerëz.

Edhe gjatë ditës së mërkurë është regjistruar numër i madh i aksidenteve të trafikut, raporton SuharekaOnline.

Në bazë të statistikave të policisë për 24 orët e fundit figuron se të mërkurën janë regjistruar gjithsej 43 aksidente trafiku.

Policia e Kosovës ka njoftuar se nga 43 aksidente trafiku të cilat u regjistruan në 24 orëshin e fundit, fatkeqësisht njëra ka përfunduar me fatalitet.

Ndërsa, 18 aksidente trafiku kanë përfunduar me persona të lënduar dhe24 të tjera kanë përfunduar me dëme materiale.

Poashtu, gjatë ditës së mërkurë policia ka shqiptuar edhe 1.475 tiketa trafiku për të gjithë drejtuesit e automjeteve të cilët nuk i kanë respektuar rregullat në trafik.